هه‌ندێ كه‌س گیرۆده‌ی كورتی باڵاكانیانن و دڵگران ده‌بن كاتێك تووشی تانه‌ و ته‌شه‌ر ده‌بنه‌وه‌، له‌گه‌ڵ ئه‌وه‌شدا ئه‌وان تاكو ئێستا بیریان له‌وه‌ نه‌كردۆته‌وه‌ كه‌ بۆ درێژكردنی باڵایان نه‌شته‌رگه‌ری ئه‌نجام بده‌ن

سارا فورمان له‌و جۆره‌ كه‌سانه‌ نه‌بوو كه‌ گوێ به‌ كورته‌باڵایی خۆی نه‌دات بڕیاریدا بچێته‌ سیبیریا كه‌زانی له‌وێدا نه‌خۆشخانه‌یه‌كی تایبه‌ت به‌ نه‌شته‌رگه‌ریی درێژكردنی باڵا هه‌یه‌، دوای ئه‌نجامدانی نه‌شته‌رگه‌رییه‌كه‌ سارا هه‌م كرداری نه‌شته‌رگه‌رییه‌كه‌ و هه‌م خۆگونجاندنی دوای نه‌شته‌رگه‌رییه‌كه‌ی به‌ سه‌ركه‌وتوویی تێپه‌ڕاند.
ئیستا باڵای ئه‌و كچه‌ 10 سانتیمه‌تر له‌ پێشووتری درێژتره‌، سه‌باره‌ت به‌ نه‌شته‌رگه‌رییه‌كه‌ سارا ده‌ڵێت: نه‌شته‌رگه‌رییه‌كه‌ زۆر به‌ئازار و ناخۆش بوو، كرداری درێژكردنه‌كه‌ش خۆی له‌ شكاندنی هه‌ردوو قاچ ده‌بینێته‌وه‌ و دوور خستنه‌وه‌یان له‌ یه‌كتری و بوار بۆ گه‌شه‌كردنی ئێسكه‌ نوێكه‌ تا ئه‌وه‌ی هه‌ردوولایه‌نی ئێسكه‌كه‌ ده‌گه‌نه‌ یه‌كتری، كرداری گه‌شه‌كردنی ئێسكه‌كه‌ش 4 مانگی ده‌وێت.
ئه‌و نه‌خۆشخانه‌یه‌ی سیبریا بووه‌ جێگای سه‌رنجڕاكێشانی ئه‌و كه‌سانه‌ی كه‌ سه‌ردانی ده‌كه‌ن بۆ ئه‌وه‌ی باڵایان درێژبكه‌ن یان ده‌یانه‌وێت ئه‌و شێواندنانه‌ی قاچێك له‌ قاچه‌كه‌ی تریان جیاوازده‌كات .

pukmedia

په‌ڕی پێشتر «|» په‌ڕی دواتر